مسا الخير عم افكر اطرح الموضوع الي ببالي بلكي بكون حدا يرشدني/ ينصحني شو ممكن يكون بهيك حاله او شو ممكن اعمل خلال حملي بطفلي الصغير كان شكوك انه الطفل عنده توسّع بغرف المخ وانطلب مني اعمل mri لمخ الطفل خلال الحمل وانعملت وطلع الجواب انه ما في اي اشي بخوف وكلو تمام بس نصحوا باولتراساوند بعد الولاده لمخ الطفل وبالفعل تم فحصين اولتراشاوند بفارق شهر ( ١. عند الولاده مباشرة، ٢. بجيل شهر) وكانت النتائج مطمئنه وكلو تمام ما في اي مشاكل ولا توسع ولا سائل ولا اي اشي نشكر الله لكن من وقت الولاده حتى اليوم ( اليوم هو بجيل سنه وشهرين) ما زال حجم راسه اكبر من اولاد جيله وكمان اعلى من المتوقع بالرسم البياني اليوم بجيل سنه وشهرين بمحيط راس 50 بالرغم من انه تطوره رااائع وما في اي تخوف من التطور او اي شك بإعاقه معينه، يافوخه كمان سكر (حسب فحص الطبيب) هل هناك ما يُقلق ولا كيف حسب خبرتكم ؟ طبيب الاعصاب المشرف مش قلقان بالمره، طلب اعملله فحص اولتراساوند نتأكد انه اليوم بوضع تمام وكمان طلب فحص عصب العيون كمان سؤال هو هل بس يكبر رح يضل مبين راسه كبير ولا رح يتم التوازن مع طوله ووزنه مع الوقت ؟ اسفه طولت بالحكي وشكرا سلف

רק רופא ידע לענות

מי פה עשתה גוגל טרנסלייט שתרים יד

ابني وبنتي من الولادة قالولي انه راسهم كبير ولازم يكون متابعة عند الممرضة لتطوّر حجم الراس لحد جيل سنتين والحمد لله صح كان الحجم اكبر من الجيل بس مع الوقت صار توازن بين الرأس والجسم وصار الحجم طبيعي. بس كمان مهم اقول انه ابوهم وأهله عندهم هاي الظاهرة.

واحنا موجوده الظاهره عنا بالعيله وهاد الي مطمني ... شكرا كتير لالك عزيزتي الله يحميلك ياهن